Cooperaziun dals genituors

Ad es il böt dal cussagl da genituors da promouver contacts regulers ed il barat d’infurmaziuns traunter scolars/scolaras, genituors, magistraglia, mneder da scoula e la cumischiun da scoula.

Üna megldra integraziun dals genituors illa scoula ed ün’optimaziun da la qualited da scoula staun i’l center. Cun quista fuorma da cooperaziun dals genituors dessan gnir accumplieus meglder ils dovairs cumünaivels invers ils scolars.

Sen ed intenziun

Il cussagl da genituors Samedan-Schlarigna-Bever:

• es üna rait per tuot ils genituors, chi s’interessan per la scoula da lur iffaunts e vulessan s’ingascher per tela.

• Las activiteds dal cussagl da genituors haun il böt da stimuler e promouver il contact ed il barat d'idejas traunter ils genituors.

• infurmescha als genituors davart pussibilteds da perfecziunamaint per genituors ed organisescha sairedas d'infurmaziuns.